Оддий касрлар

Оддий каср $\dfrac{a}{b}$ да $b$ — бутун нечта тенг бўлакка бўлинганини, $a$ — шундан нечтаси олинганини билдиради.

Асосий хосса ва қисқартириш

Касрнинг сурат ва махражини бир хил нолга тенг бўлмаган сонга кўпайтирсак ёки бўлсак, каср қиймати ўзгармайди:

$\frac{a}{b} = \frac{a \cdot k}{b \cdot k} = \frac{a : k}{b : k}$

Қисқартириш — сурат ва махражни уларнинг ЭКУБ ига бўлиш: $\dfrac{36}{48} = \dfrac{3}{4}$ (ЭКУБ $= 12$). Қисқармайдиган каср қисқармас каср дейилади.